ჩვენ ვართ ბაუმერი

"ჩვენ გვიყვარს საკუთარი საქმე. ჭკვიანი გადაწყვეტილებებით უზრუნველვყოფთ თქვენი პროექტის საინჟინრო მიმართულების სრულყოფილებას."

— ბაუმერის შესახებ

უკვე 13 წელია კომპანია ბაუმერი უზრუნველყოფს მექანიკური, ელექტრო და წყალგაყვანილობის საინჟინრო სისტემების პროექტირებას, ინსტალაციას და ექსპლუატაციის შემდგომ მომსახურებას.

ჩვენი მიზანია ავიყვანოთ MEP სერვისი ახალ საფეხურზე და მივაწოდოთ ჩვენს მომხმარებლებს უმაღლესი ხარისხის, კომფორტული MEP მომსახურება ინოვაციური გადაწყვეტილებების დახმარებით.

2013

ბაუმერის დაარსება

ჩვენი კომპანიის ისტორია 2013 წელს დაიწყო პირველი პროექტების განხორციელებით, რომლებიც მოიცავდა სკოლებს, საბავშვო ბაღებს, თეატრებს, სასაზღვრო გამშვებ პუნქტებსა და სხვა მნიშვნელოვან საზოგადოებრივ ობიექტებს.

2016

პირველი ნაბიჯები

ჩვენი პირველი მასშტაბური პროექტი გორის სამხედრო ჰოსპიტალი იყო, რომელმაც კომპანიის განვითარების მნიშვნელოვანი ეტაპი განსაზღვრა.

2018

სწრაფი განვითარების წლები

ჩვენი პირველი შოურუმის გახსნამ კომპანიის განვითარების ახალი ეტაპი განსაზღვრა — B2C სეგმენტზე გაფართოვდა და საინჟინრო სისტემების მომსახურებების შეთავაზება.

2022

გაფართოება რეგიონალური მასშტაბით

კომპანიის ისტორიაში ახალი ეტაპი დაიწყო რეგიონული მნიშვნელობის პროექტის — ზუგდიდი მოლის — განხორციელებით.

2022

ახალი სათაო ოფისი

პროექტების ზრდასთან ერთად გაფართოვდა ჩვენი გუნდიც, რის შედეგადაც თბილისში, მუხრან მაჭავარიანის გამზირზე, კომპანიის ახალი სათაო ოფისი გავხსენით.

2025

ბაუმერი დღეს

დღეს Baumer აერთიანებს 100-ზე მეტ მაღალკვალიფიციურ პროფესიონალს და აქტიურად არის ჩართული საინჟინრო სისტემების პროექტირებასა და მონტაჟში არაერთ მასშტაბურ პროექტზე, როგორც თბილისში, ისე ბათუმში.

საინჟინრო სრულყოფილება

ინოვაციისა და განვითარებისადმი მუდმივი სწრაფვა ბაუმერის DNA-ის ბუნებრივი, განუყოფელი ნაწილია. პროექტირების ინოვაციური მეთოდები, მაღალი ხარისხის მასალები და წამყვან საერთაშორისო ბრენდებთან თანამშრომლობით დაგროვილი ექსპერტიზა ჩვენი წარმატების საფუძველია.

პროექტების განხორციელების პროცესში ბაუმერის მთავარი უპირატესობაა ჩვენი შუამავლის როლი დამკვეთს, არქიტექტორებს, დიზაინერებსა და ინჟინრებს შორის. ეს მიდგომა უზრუნველყოფს პროექტის საუკეთესო შედეგს დამკვეთის ინტერესების გათვალისწინებით.

დღეს ბაუმერი 100-ზე მეტ პროფესიონალს აერთიანებს, რომელთა ცოდნასა და კვალიფიკაციას მუდმივად ვავითარებთ. თანამშრომლების ცოდნისა და პროფესიონალიზმის ამაღლების მიზნით, ჩვენ შევქმენით საკუთარი აკადემია, რომელიც MEP მიმართულებით სპეციალისტების მომზადებას ემსახურება.

ბაუმერის მუშაობის პრინციპი ეფუძნება პროექტირების ინოვაციურ მეთოდებს, პრემიუმ ხარისხის მასალების გამოყენებას და ჭკვიანი საინჟინრო სისტემების მიმართულებით წამყვან საერთაშორისო ბრენდებთან თანამშრომლობით დაგროვილი ექსპერტიზის პრაქტიკაში დანერგვას.

კომპანია მუშაობს სპეციალურად შემუშავებული სისტემის ფარგლებში, რომელიც უზრუნველყოფს საქართველოს ყველა რეგიონში პროექტების ერთიანი სტანდარტით განხორციელებას. იქნება ეს ბათუმი, თბილისი თუ ქვეყნის ნებისმიერი სხვა ნაწილი — ჩვენი კლიენტები ყოველთვის იღებენ ერთნაირ ხარისხს.